Թատերական ժեստ. ՀԱԿ ներկայացուցիչները երդվել են նաև ԱԺ դահլիճում

«Հրապարակը» գրել է. «ՀԱԿ հանրահավաքի ժամանակ Արամ Մանուկյանն ասել էր, որ իրենք պառլամենտում չեն երդվել «գողերի առաջ, չընտրվածների առաջ, մենք երդվում ենք ժողովրդի առաջ», և Ազատության հրապարակում կարդացել էր պատգամավորի երդման տեքստը, ու երդվել էին: Սակայն դա ընդամենը թատերական ժեստ է եղել, քանի որ ՀԱԿ ներկայացուցիչները խորհրդարանում Հովիկ Աբրահամյանի երդման տեքստը կարդալուց և «երդվում եմ» ասելուց հետո երդվել են դահլիճում, ինչը լրագրողական օթյակից շատ հստակ երևացել է: Ի դեպ, դա արձանագրված է նաև «parliament.am» կայքում` հունիսի 20-ի նիստի ուղիղ հեռարձակման հոլովակում»: