ԼՂՀ ԱԺ նախագահը հանդիպել է ՀՀ ԱԳ նախարարի հետ

Հունիսի 28-ին տեղի է ունեցել ԼՂՀ Ազգային ժողովի նախագահ Աշոտ Ղուլյանի և նույն օրն աշխատանքային այցով Ստեփանակերտ ժամանած ՀՀ արտաքին գործերի նախարար Էդվարդ Նալբանդյանի հանդիպումը։ Այս մասին տեղեկացնում է ԼՂՀ ԱԺ մամուլի ծառայությունը:

Զրույցի ընթացքում քննարկվել են ղարաբաղա-ադրբեջանական հակամարտության կարգավորման բանակցային գործընթացի իրողությունները և ակնկալվող զարգացումները, այդ համատեքստում՝ խորհրդարանական դիվանագիտության աշխուժացման նոր հնարավորություններն ու խնդիրները։