Եվգենյա Դոլուխանովայի հաղթանակը

Գրոսմայստեր Եվգենյա Դոլուխանովան հիանալի հանդես եկավ Դանիայի Աարհուս քաղաքում շրջանային մրցակարգով անցկացված շախմատային մրցաշարում: Նա չկրեց ոչ մի պարտություն և, 9 հնարավորից վաստակելով 7,5 միավոր, միանձնյա նվաճեց առաջին մրցանակը:

Ինչպես տեղեկացնում է Հայաստանի շախմատի ֆեդերացիայի պաշտոնական կայքը, մրցաշարին մասնակցում էին Հայաստանի, Ռուսաստանի, Գերմանիայի, Շվեդիայի, Նորվեգիայի և Դանիայի ներկայացուցիչները: