Փամբուկյանը չի գնել «Հին Էրիվանը»

«Հրապարակը», անդրադառնալով նախօրեին մամուլով տարածված այն տեղեկությանը, թե հայտնի գործարար, ԱԺ նախկին պատգամավոր, այժմ Ռուսաստանում բնակվող Հարություն Փամբուկյանը ձեռք է բերել «Հին Էրիվան» ռեստորանային համալիրը, որը սեփականատեր Մանվել Տեր-Առաքելյանը հանել է վաճառքի «Յունիբանկի» հետ ծագած վեճից հետո, մասնավորապես գրել է. «Ռեստորանի սեփականատերը մեզ հետ զրույցում ասաց, որ այդ տեղեկությունները իրականությանը չեն համապատասխանում. «Դրանք սուտ տեղեկություններ են, այդպիսի բան չկա: Փամբուկյանն ինձ այդ հարցով չի դիմել, մենք չենք էլ հանդիպել, որ այդպիսի հարց քննարկենք»: