Սիմպլիսիոն խզել է պայմանագիրը «Ռոմայի» հետ

«Ռոմայի» բրազիլացի կիսապաշտպան Ֆաբիո Սիմպլիսիոն իր ակումբի հետ պայմանավորվել է պայմանագրի խզման հարցում և շուտով պետք է տեղափոխվի Ճապոնիա:

«Կարող եմ ասել, որ «Ռոմայի» հետ պայմանագիրը խզվել է երկկողմ համաձայնությամբ,- ֆուտբոլիստի գործակալ Ժիլմար Ռինալդիի խոսքերը մեջբերել է «Radiocalciomercato»-ն:- Շուտով նա պայմանագիր կստորագրի Օսակայի «Սերեձո» ակումբի հետ: Նշեմ, որ Սիմպլիսիոն դեռ անցած ամռանն էր ցանկանում հեռանալ «Ռոմայից», բայց այն ժամանակ Լուիս Էնրիկեն նրան համոզեց մնալ»: