Շուշիում անցկացվել է ապլիկացիայի մանկական մրցույթ

ԼՂՀ մշակույթի և երիտասարդության նախարարության և «Նարեկացի» արվեստի միության Շուշիի կենտրոնի համագործակցության շնորհիվ hուլիսի 24-ին կայացԵլ է «Հայրենիք» թեմայով ապլիկացիայի մանկական մրցույթ: Մրցույթը տեղի է ունեցել ՆԱՄ Շուշիի կենտրոնում և պատկանում էր «Հակոբ Գյուրջյան» քանդակագործության միջազգային երկրորդ սիմպոզիումի միջոցառումների շարքին:

Մրցույթին մասնակցել է ՆԱՄ Շուշիի կենտրոնի նկարչության և մանրանկաչության դասարաններ հաճախող թվով քսան երեխա: Մրցույթի ընթացքում թիմային աշխատանքների շրջանակներում արված գործերը կգնահատի սիմպոզիումին մասնակցող քանդակագործներից և նկարիչներից կազմված ժյուրին:

Նարեկացի արվեստի միության Շուշիի կենտրոնից տեղեկացնում են, որ մրցույթի արդյունքների մասին կհայտարարվի «Հակոբ Գյուրջյան» քանդակագործության միջազգային երկրորդ սիմպոզիումի փակման պաշտոնական արարողության ժամանակ, որը տեղի կունենա հուլիսի 31-ին: