«Յուվենթուսը» վան Պերսիի համար կառաջարկի 20 մլն ֆունտ ստեռլինգ

Թուրինի «Յուվենթուսը» կփորձի գնել լոնդոնյան «Արսենալի» հարձակվող Ռոբին վան Պերսիի տրանսֆերը:

Իտալական ակումբի ղեկավարությունը մոտ օրերս անգլիական ակումբին 28-ամյա հարձակվողի համար կառաջարկի 20 մլն ֆունտ ստեռլինգ: Եթե «Արսենալն» ընդունի առաջարկը, ֆուտբոլիստին կառաջարկվի պայմանագիր` շաբաթական 190 հազար ֆունտ ստեռլինգ աշխատավարձով:

Հիշեցնենք, որ հոլանդացու ծառայություններով հետաքրքրված են նաև «Մանչեսթեր Սիթին» և «Մանչեսթեր Յունայթեդը»: