Հայաստանում Սիրիայի դեսպանատունը հայտարարել է ընդդիմության կողմն անցած դիվանագետի առաքելության դադարեցման մասին

Հայաստանում Սիրիայի դեսպանատունը պաշտոնական հայտարարությունով տեղեկացրել է Մոհամադ Հոսսա Հեֆեզի դիվանագիտական առաքելության դադարեցման մասին: Այդ մասին Panorama.am-ին փոխանցեց ՀՀ ԱԳՆ մամուլի խոսնակ Տիգրան Բալայանը:

Հայաստանում Սիրիայի դեսպանատնից Panorama.am-ին նախօրեին տեղեկացրել էին, որ Հեֆեզը երեկ դեսպանություն չի ներկայացել:

Ավելի վաղ սիրիական ընդդիմությանը միանալու մասին հայտարարել էին Կիպրոսում, Արաբական Միացյալ Էմիրությունների և Իրաքում Սիրիայի դեսպանները: