Կառավարությունը հեշտացրել է Սիրիայի և Լիբանանի հայերի համար Հայաստանի քաղաքացիության անձնագիր ստանալը

Այսօր կառավարությունը հերթական նիստում հաստատել է այն երկրների ցանկը, որոնց ազգությամբ հայ քաղաքացիները կարող են Հայաստանի Հանրապետության անձնագրեր ստանալ տվյալ երկրում գտնվող Հայաստանի դիվանագիտական ներկայացուցչություններում և հյուպատոսություններում:

Նշենք, որ գործող օրենսդրությամբ, Հայաստանի քաղաքացիություն ստանալուց հետո օտարերկրյա քաղաքացին անձնագիրն ստանում էր Հայաստանի ոստիկանության անձնագրային և վիզաների վարչությունում:

«Այս դեպքում Սիրիայի և Լիբանանի մեր հայրենակիցները քաղաքացիություն ստանալուց հետո անձնագրեր կարող են ստանալ այդ երկրի դիվանագիտական ներկայացուցչությունում», -կառավարության նիստում հայտարարեց Սփյուռքի նախարար Հրանուշ Հակոբյանը: