Հրանտ Մելքումյանը և Սերգեյ Մովսիսյանը վաստակել են 6,5-ական միավոր

Գրոսմայստերներ Հրանտ Մելքումյանը և Սերգեյ Մովսիսյանը Շվեյցարիայի Բիլ քաղաքում անցկացվող օփենում 9 տուրից հետո վաստակել են 6,5-ական միավոր և զբաղեցնում են մրցաշարային աղյուսակի համապատասխանաբար 2-րդ և 3-րդ տեղերը: Նրանք միայն կես միավորով են հետ մնում առաջատարից` ֆրանսիացի գրոսմայստեր Ռոմեն Էդուարից:
Հավելենք, որ մինչև մրցաշարի ավարտը մնում է 2 տուր: Այս մասին հայտնում է Հայաստանի շախմատի ֆեդերացիայի պաշտոնական կայքը: