Իսրայելցի գեներալ. ԱՄՆ նախագահական ընտրություններից առաջ Իսրայելն Իրանի վրա ռազմական հարձակում չի գործի

ԱՄՆ նախագահական ընտրություններից առաջ Իսրայելն Իրանի վրա, ամենայն հավանականությամբ, ռազմական հարձակում չի գործի:
Այդ մասին իրանական «ՖԱՐՍ» լրատվական գործակալության հաղորդմամբ՝ իսրայելական «Ջերուսալիմ փոստ» պարբերականին տված հարցազրույցում նշել է Իսրայելի բանակի ռազմական հետախուզության նախկին հրամանատար, գեներալ Ահարոն Զևի Ֆարքաշը:

Իսրայելցի գեներալը, վերլուծելով Իրանի վրա Իսրայելի ռազմական հարձակման նպատակահարմարությունը, նշել է, որ ներկայում Իրանի վրա հարձակումն անտեղի է և զուրկ միջազգային լեգիտիմությունից:

Ըստ գեներալ Ֆարքաշի՝ Սիրիայի քիմիական զենքի առկայությունը, Սինայի թերակղզուց և Գազայի հատվածից իսրայելական տարածքների հրթիռակոծման հնարավորությունը և «Հեզբոլլահի» տրամադրության տակ գտնվող 50 հազար հրթիռները ևս որոշակի խնդիրներ կառաջացնեն Իրանի վրա ռազմական հարձակում գործելու պարագայում:

Նախորդող տեղեկատվություն՝ 5 գործոն, որոնց պարագայում Իսրայելն Իրանի վրա ռազմական հարձակում չի գործի