Որոշ մանկատների ու ծերանոցների ցածրարժեք դեղորայք և վատորակ սնունդ է մատակարարվում

«Ժողովուրդ»-ի հավաստի աղբյուրները տեղեկացնում են, որ հանրապետության որոշ մանկատների ու ծերանոցների մատակարարվում է ցածրարժեք դեղորայք, վատորակ սնունդ, որի առնչությամբ ՏՄՊՊՀ-ն սկսել է վերահսկողություն:

Լուրը թերթի հետ զրույցում հաստատել է նաև հանձնաժողովի լրատվության բաժնի պետ Գայանե Սահակյանը. «Ոլորտը մեր ուշադրության կենտրոնում է: Անհատներից ստացել ենք բողոքներ, որ մատակարարվող սնունդն անորակ է: Ստուգվում են` արդյոք ոլորտում կա պետական միջոցների փոշիացում և անորակ սննդի մատակարարում: Սեպտեմբերին ՏՄՊՊՀ-ն կհայտնի մոնիթորինգի արդյունքները»,-ասել է ա:

Հիշեցնենք, որ ՏՄՊՊՀ-ն նմանատիպ ուսումնասիրություն է իրականցրել նաև դեղերի ոլորտում, որի ընթացքում պարզվել է, որ որոշ բուժհիմնարկներ պետպատվերի շրջանակներում գտնվող դեղերը ձեռք են բերել ցածր գնով, սակայն պետբյուջեից պահանջել են դրանց արժեքի տասնապատիկը: