Իրանի ԱԳ նախարար.Սիրիայում առևանգված իրանցի 48 ուխտագնացների մեջ եղել են բանակի զորացրված զինվորականներ

«Սիրիայի ազատ բանակի» կողմից առևանգված իրանցի 48 ուխտագնացների մի մասը եղել են բանակի և իսլամական հեղափոխության պահապանների կորպուսի նախկին զինվորականներ:
Այդ մասին իրանական «իրդիփլոմասի.իռ» կայքի հաղորդմամբ՝ լրագրողների հետ հանդիպման ժամանակ տեղեկացրել է ԻԻՀ ԱԳ նախարար Ալի Աքբար Սալեհին:

Հավելենք, որ նախօրեին Իրանի ԱԳ նախարար Ալի Աքբար Սալեհին իր թուրք գործընկերոջ հետ Սիրիայում առևանգված իրանցի ուխտագնացների հարցով խորհրդակցություններ անցկացնելու նպատակով մեկնել էր Թուրքիա:

Հիշեցնենք, որ ս.թ.օգոստոսի 4-ին Սիրիայի զինված խմբավորումները Դամասկոսի օդանավակայանի ճանապարհին առևանգել էին 48 իրանցիներ տեղափոխող մի ավտոբուս: Նախօրեին իրանական «ՄԵՀՐ» լրատվական գործակալությունը հաղորդագրություն տարածեց, որ Սիրիայի զինված խմբավորումների կողմից իրանցի երեք ուխտագնաց է սպանվել: