Կարեն Սարիբեկյան. «Ադրբեջանն օդում քամի է անում»

«Ո՞ւմ են վախեցնում իրենց հայտարարություններով, կամ ինչի մենք չգիտենք, որ իրանք իրանց գործով ու ամեն ինչով ամեն օր էլ պատերազմի են պատրաստվում, իրենց ժողովրդի մեջ մեր նկատմամբ ատելություն սերմանում: Իսկ ո՞վ է նրանց ասածներին լուրջ վերաբերվում: Օդում քամի են անում և վերջ»,- Panorama.am-ի հարցին, թե ինչպե՞ս եք վերաբերվում Ադրբեջանի պաշտպանության նախարարի այն հայտարարությանը, թե Հայաստանն իր քայլերով Ադրբեջանին դրդում է պատրաստվել պատերազմի, ասաց ԱԺ պատգամավոր, ԵԿՄ անդամ Կարեն Սարիբեկյանը:

Հարցին, թե արդյո՞ք ադրբեջանցի պաշտոնյայի հայտարարությունը մեր զինվորական ղեկավարության համար համապատասխան եզրակացությունների հիմք է, պատգամավորը նշեց. «Ադրբեջանի ղեկավարներն անկանխատեսելի են, սակայն դա չի նշանակում, որ մենք հանգիստ նստած սպասում ենք Ադրբեջանի հնարավոր գործողություններին: Յուրաքանչյուր օր էլ մեր բանակը կատարելագործվում է, զարգանում, սակայն ի տարբերություն Ադրբեջանի, մեզ համար Ղարաբաղի հարցը բացի խաղաղից, այլ լուծում չունի»:

«Որքան էլ, որ որոշ երկրներ Ադրբեջանի երեսին ժպտում են ու նավթային գործարքներ կնքում, բոլորին էլ պարզ է, որ Ադրբեջանն անլուրջ պետություն է, որի ղեկավարներն ուղղակի արկածախնդիրներ են»,- ավելացրեց Կ. Սարիբեկյանը: