Բռնցքամարտիկը մահացավ` 3 տարի կոմայում մնալուց հետո

Ինչպես տեղեկացնում է «Boxingscene»-ը, կոստառիկացի բռնցքամարտիկ Ալեխանդրո Մարտինեսը մահացել է հայրենիքում:

2009թ. հուլիսին թեթևագույն քաշային կարգում IBF վարկածով աշխարհի նախկին չեմպիոն Ալբերտո Ռոսասի հետ մենամարտում 24-ամյա Ալեխանդրո Մարտինեսը հայտնվեց կոմայում և Մեքսիկայից տեղափոխվեց հայրենիք:

Կոստա Ռիկայի կառավարությունն ու համաքաղաքացիները հոգում էին նրա բուժման ծախսը և ֆինանսապես օգնում էին բռնցքամարտիկի ընտանիքին: Սակայն փրկել մարզիկի կյանքն այդպես էլ չհաջողվեց: Մարտինեսը մահացավ 27 տարեկանում` այդպես էլ դուրս չգալով կոմայից: