Գալիանի. «Կակայի հետ կապված պատմությունն ավարտված է»

«Միլանի» փոխնախագահ Ադրիանո Գալիանին հայտարարել է, որ ակումբն այլևս չի փորձի վերադարձնել Կակային, ով այժմ հանդես է գալիս «Ռեալում»: Իտալական գրանդը ցանկանում էր բրազիլացի ֆուտբոլիստին վերցնել վարձավճարով, մեկ տարի ժամկետով, սակայն մադրիդցիները պատրաստ էին քննարկել միայն Կակայի տրանսֆերի վաճառքի տարբերակը:

«Կակայի հետ կապված պատմությունն ավարտված է, դա շատ ռիսկային է: Չգիտեմ` արդյոք կփորձե՞նք հրավիրել մեկ այլ խաղացողի»,- Գալիանիի խոսքերը մեջբերել է «Football Italia»-ն: