Յանուկովիչ. «Ուկրաինան երազում է աշխարհի առաջնության անցկացման մասին»

Ուկրաինայի նախագահ Վիկտոր Յանուկովիչը նշել է, որ «Եվրո-2012»-ը հաջող անցկացնելուց հետո իր երկիրը կցանկանար ապագայում պայքարել աշխարհի ֆուտբոլի առաջնության կազմակերպման համար:

«Մենք երազում ենք, որ Ուկրաինայում նաև աշխարհի առաջնություն անցկացվի: Այդ ուղղությամբ աշխատանքներ կիրականացնենք»,- այսօր Կիևում ՈՒԵՖԱ-ի նախագահ Միշել Պլատինիի հետ հանդիպումից հետո հայտարարել է Յանուկովիչը: