Panorama.am-ն ենթարկվել է զանգվածային DDos հարձակման

 Երկուշաբթի` սեպտեմբերի 3-ի առավոտից սկսած և մինչ այս պահը Panorama.am կայքի վրա DDOS-հարձակում է իրականացվում Ադրբեջանի, Թուրքիայի, Պակիստանի, Ինդոնեզիայի IP հասցեներից:

Այսօր, Երևանի ժամանակով 14.10-ից հարձակման հզորությունը բազմակի անգամ ավելացել է, փոխվել է նաև բնույթն ու աշխարհագրությունը: Ներկա պահին կայքի տեխնիկական մասնագետները միջոցներ են ձեռնարկում ապահովել կայքի բնականոն աշխատանքը: Սակայն չենք բացառում, որ ստիպված կլինենք սահմանափակել կայքի հասանելիությունը այն երկրների օգտատերերի համար, որոնք ներգրավված են վերը նշված հակաօրինական գործողություններում: