Անգելա Մերկելի կոչը` հոմոսեքսուալիստ ֆուտբոլիստներին

Գերմանիայի կանցլեր Անգելա Մերկելը կոչ է արել հոմոսեքսուալիստ ֆուտբոլիստներին` չթաքցնել իրենց օրիենտացիան և չվախենալ հասարակական կարծիքից: Այս մասին գրում է «Bild»-ը:

Նման հայտարարության համար հիմք է ծառայել գերմանացի ֆուտբոլիստներից մեկի խոստովանությունը, որ ինքը ստիպված է թաքցնել իր սեքսուալ նախասիրությունները և ցուցադրել, թե, իբր, իրեն դուր են գալիս հակառակ սեռի ներկայացուցիչները:

«Կարծում եմ` այն մարդը, ով իր մեջ ունի այնպիսի հատկանիշներ, ինչպիսիք են ուժն ու քաջությունը, չպետք է վախենա իր օրիենտացիայից: Նման օրինակներ կան նաև Գերմանիայի քաղաքական կյանքում: Այն փաստը, որ մարդիկ թաքցնում են ի ծնե հոմոսեքսուալիստ լինելը, վկայում է այն մասին, որ պետք է այս հարցի վերաբերյալ լուծում գտնել»,- նշել է Մերկելը: