Ֆալկաո. «Մեսսիին ու Ռոնալդուին գերազանցելը հաճելի է»

«Ատլետիկոյի» հարձակվող Ռադամել Ֆալկաոն գոհ է, որ գլխավորում է Լա Լիգայի ռմբարկուների ցուցակը: 7 տուրից հետո կոլումբիացին 9 գնդակ ունի իր ակտիվում, իսկ «Բարսելոնի» ու «Ռեալի» առաջատարներ Լիոնել Մեսսին և Քրիշտիանու Ռոնալդուն 8-ական գոլ են խփել:

«Ռմբարկուների մրցավեճում այնպիսի ֆուտբոլիստների գերազանցելը, ինչպիսիք են Մեսսին ու Ռոնալդուն, շատ հաճելի է,- Ֆալկաոյի խոսքերը մեջբերել է AS-ը:- Հույս ունեմ, որ կհաջողվի շարունակել նույն ոգով: Ուզում եմ նվազագույնը խփել այնքան գոլ, որքան նախորդ մրցաշրջանում»: