Օ'Նիլը Ռոնալդուին ձախողում է մաղթում

Աշխարհի 2014 թ. առաջնության ընտրական փուլի հանդիպման նախաշեմին Հյուսիսային Իռլանդիայի հավաքականի գլխավոր մարզիչ Մայքլ Օ'Նիլը Պորտուգալիայի ընտրանու առաջատար Քրիշտիանու Ռոնալդուին ձախողում է մաղթել: 

«Հիանալի կլինի, եթե մեզ հետ խաղում Ռոնալդուն իր հնարավորություններից ցածր հանդես գա: Ուզում եմ, որ նրա հոբելյանական` 100-րդ հանդիպումը ձախողվի: Իմ սաները հնարավորություն կունենան մրցել աշխարհի լավագույն ընտրանիներից մեկի հետ` լավագույն մարզադաշտերից մեկում: Շատերի համար այս գիշերը կլինի ամենահիշարժանը»,- նշել է Օ'Նիլը:

Հիշեցնենք, որ Պորտուգալիա-Հյուսիսային Իռլանդիայի հանդիպումը կկայանա այսօր երեկոյան: