Հայ և արտասահմանցի գրողները Գանձասարում են

Արցախի մայրաքաղաք Ստեփանակերտում շարունակվում է «Գրողը` խաղաղության մունետիկ» կարգախոսով պոեզիայի միջազգային փառատոնը: Հայաստանի գրողների միության նախագահ Լևոն Անանյանը Արցախից Panorama.am-ին փոխանցեց, որ այս պահին փառատոնի մասնակիցները Գանձասարում են, որտեղ պատարագ է մատուցվում: Այսօր, ըստ նրա, նախատեսված է նաև վրացական պոեզիայի ժամ, գրական ընթերցումներ արտերկրից ժամանած գրողների մասնակցությամբ:

Լ. Անանյանն ասաց, որ փառատոնին մասնակցում են 10 երկրից ժամանած գրողներ: Վրաստանից բավականին մեծ պատվիրակություն է ժամանել Արցախ՝ 10 հոգուց կազմված: Ընդհանուր առմամբ, ըստ ԳՄ նախագահի, փառատոնին մասնակցում է 50 գրող:

Հիշեցնենք, որ փառատոնը մեկնարկել է հոկտեմբերի 15-ին: Այսօր վերջին օրն է:

Նախորդող նորություններ՝ Հայաստանցի և արտասահմանցի գրողներն Արցախում են

Արցախի նախագահ. ԼՂՀ իշխանությունները բարձր են գնահատում գրողի և գրականության դերը մեր իրականության մեջ