Զիդան. «Ես Մոուրինյոյի հետ ոչ մի խնդիր չունեմ»

Մադրիդյան «Ռեալի» առաջին թիմի նախկին տնօրեն Զինեդին Զիդանը հերթական անգամ հայտարարել է, որ ինքը ոչ մի խնդիր չի ունեցել «Ռեալի» գլխավոր մարզիչ Ժոզե Մոուրինյոյի հետ: Այս մասին հաղորդում է իսպանական մամուլը:

Շատերը ենթադրում էին, որ պորտուգալացի մասնագետն այլևս չի ցանկացել Զիդանին տեսնել թիմում` ելնելով այն բանից, որ աշխարհի 1998 թ. չեմպիոնն իրեն չի պաշտպանում ԶԼՄ-ների ներկայացուցիչների առջև:

«Ռեալում» ես հասկացա, թե ինչ է մեծագույն ակումբը սեփական ներքին կյանքում: Բայց ինձ թվում է, որ իմ կիրքը խաղադաշտում լինելն է: Եվ որոշեցի վերադառնալ Ֆրանսիա` մարզիչ դառնալու համար: Իսկ Մոուրինյոյի հետ ոչ մի խնդիր չունեմ: Ընդհակառակը, շատ բան եմ նրանից սովորել»,- հայտարարել է Զիդանը: