Հարցաքննվել են մի քանի ՀՀԿ-ականներ, այդ թվում` Կարեն Ավագյանը

«168 ժամը» հարցազրույց է արել ՀՀ ոստիկանության Քննչական գլխավոր վարչության հատկապես կարևորագույն գործերի քննության վարչության երկրորդ բաժնի պետ Արսեն Այվազյանի հետ: Նա ասել է, որ «փուչիկների գործով» հարցաքննվել են մի քանի ՀՀԿ-ականներ` առանց անուններ նշելու: Նա հիշել է միայն Կարեն Ավագյանի անունը: «Այնպես չէ, որ նրանք գաղտնի են հարցաքննվել, համոզված եմ, որ այդ ցուցմունքներին ծանոթացել է նաև պաշտպանական կողմը, այսինքն` մեղադրյալը և նրա պաշտպանը, որովհետև նրանք դրա իրավունքն ունեն»: