«Մանչեսթեր Յունայթեդը» կարող է վաճառել Նանիին

«Մանչեսթեր Յունայթեդի» ղեկավարության և այդ թիմի ֆուտբոլիստ Նանիի միջև ընթացող բանակցությունները կարող են ձախողվել: Ակումբի հետ 25-ամյա ֆուտբոլիստի գործող պայմանագրի ժամկետը կլրանա 2014 թ. հունիսին: «Մանչեսթեր Յունայթեդը» չի ցանկանում կորցնել ֆուտբոլիստին և նրան առաջարկել է երկարաձգել պայմանագիրը, սակայն Նանին չի շտապում պատասխանել:

«The Daily Telegraph»-ի տեղեկություններով` կողմերը չեն կարողանում պայմանավորվել Նանիի աշխատավարձի հարցում:

Եթե մինչև մրցաշրջանի ավարտը կողմերը համաձայնության չհանգեն, «Մանչեսթեր Յունայթեդն» ստիպված կլինի ամռանը վաճառել պորտուգալացի խաղացողի տրանսֆերը: