Նեյմար. «Երազում եմ Եվրոպայում խաղալու մասին, բայց դեռ դրա ժամանակը չէ»

Բրազիլական «Սանթոսի» հարձակվող Նեյմարը հայտարարել է, որ մոտ ժամանակներս մտադիր է շարունակել ելույթները իր ներկայիս թիմում: Այս մասին հաղորդում է իսպանական մամուլը:

Բրազիլիայի ազգային ընտրանու խաղացողի ծառայություններով եվրոպական մի շարք գրանդներ են հետաքրքրված, սակայն ակումբի ղեկավարությունն արդեն հայտարարել է, որ Նեյմարը մինչև 2014 թ. ոչ մի այլ ակումբ չի տեղափոխվի: Ի դեպ, հենց այդ ժամանակ էլ կլրանա նրա գործող պայմանագրի ժամկետը «Սանթոսի» հետ:

«Իհարկե, երազում եմ Եվրոպայում խաղալու մասին, բայց դեռ Բրազիլիայից հեռանալու ժամանակը չէ»,- ասել է Նեյմարը:

Հիշեցնենք, որ Բրազիլիայի ազգային հավաքականի նախկին գլխավոր մարզիչ Կառլոս Դունգան նույնպես այն կարծիքին է, որ մինչև աշխարհի 2014 թ. առաջնությունը Նեյմարը չպետք է հեռանա Բրազիլիայից: