Վանես Մարտիրոսյան. «Չեմ կարծում, որ Լարայի կզակն ամուր է»

Ամերիկայում բնակվող հայ պրոֆեսիոնալ բռնցքամարտիկ Վանես Մարտիրոսյանը, ով հանդես է գալիս ցածր միջինքաշային կարգում, խոսել է նոյեմբերի 10-ին ամերիկյան Լաս Վեգասի «Wynn Hotel and Casino» մարզահամալիրում կուբացի բռնցքամարտիկ Էրիսլանդ Լարայի հետ մենամարտի մասին:

«Եթե անկեղծ, ապա ես չեմ կարծում, որ Լարան ամուր կզակ ունի և դիմացկուն օրգանիզմ: Նրա մասնակցությամբ շատ մենամարտեր չեմ դիտել, սակայն կարող եմ հասկանալ, որ նրան դուր չեն գալիս կզակին հասցված հարվածները»,- Մարտիրոսյանի խոսքերը մեջբերել է «Boxingscene»-ն: