Տերրին կարող է բաց թողնել ողջ մրցաշրջանը

Լոնդոնի «Չելսիի» պաշտպան Ջոն Տերրին «Լիվերպուլի» (1:1) հետ Անգլիայի առաջնության խաղում չկարողացավ մինչև վերջ հանդես գալ: Բախվելով Լուիս Սուարեսի հետ` նա ստիպված էր լքել խաղադաշտը: 

Այսօր Տերրին ենթարկվել է բուժզննման, և բժիշկներն ախտորոշել են խաչաձև մկանների պատռվածք: Վերջնական արդյունքների մասին ակումբը կտեղեկացնի այսօր: Եթե նախնական եզրակացությունը հաստատվի, Ջոն Տերրին մինչև մրցաշրջանի ավարտն այլևս չի կարողանա խաղադաշտ մտնել: