Վիլանովա. «Մեսսին 1 տարում արեց այն, ինչը մյուսները կանեին 8 տարում»

«Բարսելոնի» գլխավոր մարզիչ Տիտո Վիլանովան հերթական անգամ գովել է թիմի առաջատար Լիոնել Մեսսիին:

«Լեոն շարունակում է ռեկորդներ հեղինակել: Նրա ռմբարկուական հատկանիշները 1 տարվա կտրվածքով չեն կարող չհիացնել:

Մյուս հանրահայտ ֆուտբոլիստները չեն կարողանում նման արդյունքների հասնել 7-8 տարում, իսկ Մեսսին այսքան շատ գոլերի հեղինակ է դառնում ընդամենը 1 տարում: Եվ պարզապես հիանալ է պետք, թե որքան գեղեցիկ են այդ գոլերը:

Տելյո՞ն: Մենք գիտենք, որ նա տաղանդավոր է: Վերջին ժամանակաշրջանում նա խաղային շատ ժամանակ ստացավ և աստիճանաբար ավելի կատարյալ ֆուտբոլիստ է դառնում»,- նշել է Վիլանովան: