Ամենից շատ կարդացված նյութեր
.jpg "ԵՊՀ-ում դասադուլից հետո ջեռուցումը միացվեց")
Այսօր ԵՊՀ մաթեմատիկայի և մեխանիկայի ֆակուլտետի ուսանողները դասադուլ էին հայտարարել` պատճառաբանելով, թե լսարաններում ցուրտ է ու նստել չի լինում: Նրանք դիմել են բուհի ղեկավարությանը` հասկանալու, ինչու նոյեմբերի 21-ի դրությամբ միացված չէ ջեռուցման համակարգը:
«Դասախոսները օգնեցին մեզ դասադուլ կազմակերպել ցրտի պատճառով»,-Ֆեյսբուք սոցիալական ցանցում գրել էր ուսանողներից մեկը:
ԵՊՀ հասարակայնության հետ կապերի վարչության ղեկավար Կարեն Գրիգորյանի խոսքով, նախորդ տարիներին բուհի ջեռուցման համակարգը միացվել է նոյեմբերի 15-ից: Այս տարի քանի որ եղանակը տաք է, որոշել են մի քիչ ուշ անցնել ջեռուցման:
«Արդեն մի քանի օր է` փորձարկումներ են արվում: Կարծում եմ, ամենուշը հինգշաբթի օրվանից նորմալ ջեռուցում կլինի»,-ասաց Կ. Գրիգորյանը:
Վարչությունից վայրկյաններ առաջ զանգեցին ու հայտնեցին, որ բուհի մասնաշենքներն արդեն ջեռուցվում են, իսկ մյուս ֆակուլտետներում դասերը նորմալ ընթանում են:
Նկարը` Ֆեյսբուքից:
Studio One