Ամենից շատ կարդացված նյութեր

11:07 13/12/2012

Դանիայում գտել են Անդերսենի ամենավաղ հեքիաթը

Դանիացի հեքիաթագիր Հանս Քրիստիան Անդերսենի ամենավաղ ստեղծագործությունը պատահաբար հայտնաբերել են Դանիայի ազգային արխիվում, հաղորդում է «Ռիա Նովոստին»՝ հղում անելով դանիական ԶԼՄ-ներին:

Գտածոյի արժեքավոր լինելը հաստատել են մասնագետները, որոնք ուսումնասիրում են Անդերսենի գրվածքները:

Հեքիաթը մոմի արկածների մասին է, որը չի կարողանում որոշել իր գոյության իմաստը: Հեքիաթի ավարտին մոմը հանդիպում է կրակին, որն էլ վառում է մոմը` դրանով իսկ ցույց տալով նրա նշանակությունը:

Գիտնականների պնդմամբ, սա սենսացիոն բացահայտում է, քանի որ, ամենայն հավանականությամբ, Անդերսենի առաջին հեքիաթն է:

Հանս Քրիստիան Անդերսենի բազմաթիվ ստեղծագործություններ թարգմանվել են 125 լեզուներով:Դրանք հայտնի են ոչ միայ Եվրոպայում և Ամերիկայում, այլև Ճապոնիայում, Չինաստանում և Ասիայի այլ երկրներում:

Placeholder