Ֆերգյուսոնը կմեկնի Նյու Յորք` Գվարդիոլայի հետ զրուցելու համար:

«Բարսելոնի» նախկին գլխավոր մարզիչ Խոսեպ Գվարդիոլայի հաջորդ աշխատավայրի թեմայում իրադարձությունների անսպասելի շրջադարձ է գրանցվել: Այս մասին հայտնում է «The Mirror»-ը` նշելով, որ «Մանչեսթեր Յունայթեդի» գլխավոր մարզիչ Ալեքս Ֆերգյուսոնն առաջիկա հանգստյան օրերին կմեկնի Նյու Յորք` Գվարդիոլայի հետ զրուցելու համար, որպեսզի վերջինս հաջորդի իրեն:

Հաղորդվում է նաև, որ Գվարդիոլան Նյու Յորքում ապրում է Ֆերգյուսոնի որդու հարևանությամբ: