Ցանցի բարելավման աշխատանքներում առաջացած խափանման պատճառով Orange-ի բջջային կապում խնդիրներ են առաջացել

Orange ընկերության բջջային կապի բաժանորդներն այսօր մի քանի ժամ չեն կարողացել զանգեր կատարել: Պատճառը, ինչպես Panorama.am-ին հայտնեց Orange Արմենիա ընկերության հանրային կապերի պատասխանատու Լիլիթ Մարտիրոսյանը, ցանցի բարելավման աշխատանքներում առաջացած խափանումն է եղել: Նա նշեց, որ բջջային կապն ամբողջությամբ խափանված չի եղել, և որոշ հեռախոսահամարներ գործել են:

Նրա խոսքերով՝ առաջացած խնդիրները հնարավոր է եղել վերացնել մեկ ժամվա ընթացքում և այժմ այն ամբողջությամբ վերականգնված է: