Արթուր Աբրահամը պաշտպանել է աշխարհի չեմպիոնի կոչումը

Գերմանիայի դրոշի տակ հանդես եկող հայազգի պրոֆեսիոնալ բռնցքամարտիկ Արթուր Աբրահամը երկրորդ միջինքաշային կարգում պարտության մատնեց Մեհդի Բուդալային դեկտեմբերի 15-ին WBO-ի վարկածով չեմպիոնական կոչման համար մենամարտում:

Արթուր Աբրահամը հաղթեց մրցավարի որոշմամբ, ով 8-րդ ռաունդի միջնամասում դադարեցրեց մարտը` արձանագրելով, որ 30-ամյա ֆրանսիացու պատռված քունքից արյունահոսություն է սկսվել: Այսպիսով` հայ բռնցքամարտիկը պաշտպանեց WBO-ի վարկածով չեմպիոնի կոչումը:

Ավելացնենք, որ իր կարիերայի ընթացքում Արթուր Աբրահամը տոնել է 36 հաղթանակ, որից 28-ը` նոկաուտով: Կրել է 3 պարտություն: WBO-ի վարկածով չեմպիոն է հռչակվել օգոստոսին` հաղթելով գերմանացի Ռոբերտ Շտիգլիցին: