«Եթե բոլորը…» չի հայտնվել «Օսկար» մրցանակաբաշխության կարճ ցուցակում

«Օսկար» մրցանակաբաշխության կազմակերպիչ Կինոարվեստի ամերիկյան ակադեմիան հրապարակել է «Օտարալեզու լավագույն ֆիլմ» անվանակարգի համար կարճ ցուցակը, որում ընդգրկված է 9 ֆիլմ: Ցուցակից դուրս է մնացել Հայաստանի կողմից ներկայացված «Եթե բոլորը…» ֆիլմը: Կարճ ցուցակում չի հայտնվել նաև Ռուսաստանի կողմից ներկայացված Կարեն Շահնազարովի «Սպիտակ վագր» ֆիլմը: Այս մասին տեղեկացանք մրցույթի պաշտոնական կայքից:

Ցուցակում հայտնվել են Ավստրիայի, Չիլիի, Կանադայի, Դանիայի, Ֆրանսիայի, Իսլանդիայի, Նորվեգիայի, Ռումինիայի, Շվեյցարիայի կողմից ներկայացված հայտերը: Այս երկրներից միայն հինգն են անցնելու վերջին փուլ:

Նշենք, որ հայկական ֆիլմն ընդգրկվել էր երկար ցուցակում: Այս ցուցակում ընդհանուր առմամբ 71 ֆիլմ էր ընդգրկվել:

«Օսկար» մրցանակաբաշխությունը կայանալու է փետրվարի 24-ին:

Նախորդող նորություններ` «Եթե բոլորը…» հայտնվել է «Օսկար» մրցանակաբաշխության երկար ցուցակում

«Եթե բոլորը…» ֆիլմը «մրցակից» չի ունեցել. Ամերիկյան կինոակադեմիան դեռ որոշում չի ընդունել

Ղարաբաղյան պատերազմի մասին պատմող «Եթե բոլորը» ֆիլմը հավակնում է «Օսկար» մրցանակի