Մխիթարյանը լավագույնն է մարզիչների ու ֆուտբոլիստների վարկածով

«Կոմանդա» թերթի լրագրողները նախատոնական համարում ամփոփել են անցնող տարվա արդյունքները: Հարցման են ենթարկվել Պրեմիեր լիգայի 16 ակումբներից 15-ի ներկայացուցիչները: Բացառություն է կազմել «Շախտյորը»: 89 հավակնորդներից որոշվել է ազգային առաջնության լավագույն ֆուտբոլիստը: Ձայների գերակշռող մեծամասնությամբ հաղթել է Դոնեցկի «Շախտյորի» և Հայաստանի ազգային հավաքականի կիսապաշտպան Հենրիխ Մխիթարյանը:

Մխիթարյանին առաջին հորիզոնականում նշել է նաև Կիևի «Դինամոյի» գլխավոր մարզիչ Օլեգ Բլոխինը: