Ռուսաստանում ավտովթարի հետևանքով ՀՀ քաղաքացիներ են զոհվել

Հունվարի 6-ին Պերմ-Եկատերինբուրգ մայրուղու 64-րդ կլմ-ին իրար են բախվել «Hyundai Accent» և «ՎԱԶ-2110» մակնիշի ավտոմեքենաները: Տեղի ունեցած ավտովթարի հետևանքով կան զոհվածներ և վիրավորներ:

Ըստ ՌԴ-ում ՀՀ դեսպանության ճշտած տվյալների՝ «ՎԱԶ-2110» մակնիշի ավտոմեքենայի մեջ եղել են 5 ՀՀ քաղաքացիներ, որոնցից 4-ը՝ Մկրտչյան Դավիթ Նորայրի (ծնված՝ 1977թ.), Արևշատյան Աշխեն Մայիսի (ծնված՝ 1991թ.), Արևշատյան
Սուսաննա Կարենի (ծնված՝ 1958թ.) և Արևշատյան Մայիս Լյուդվիկի (ծնված՝ 1954), տեղում մահացել են:
Ուղևորներից Արևշատյան Լիանա Մայիսին (ծնված՝ 1978թ.) տարբեր կարգի կոտրվածքներով տեղափոխվել է Կունգուր քաղաքի հիվանդանոց:

Ինչպես հաղորդում են Ռուսաստանի ՆԳՆ գլխավոր վարչության Պերմի մարզի ճանապարհային ոստիկանությունից՝ ավտովթարի մեղավորը եղել է «Hyundai»-ի վարորդը, ով ևս տեղում մահացել է: Մայրուղու վրա նա փորձել է շրջանցել «ՄԱԶ» մեծ բեռնատարը, արդյունքում հայտնվել է հանդիպակած գոտում և ճակատային մասով հարվածել «ՎԱԶ 2110»-ին: