Աշոտյանի հիշեցումները. «Թեժ գիծը» շարունակում է ընդունել զանգեր ապօրինի դրամահավաքի հետ կապված

Կրթության և գիտության նախարար Արմեն Աշոտյանն ազդարարել է այսօր սկսվող ուսումնական դասապրոցեսի մասին ու մի քանի հիշեցումներ զետեղել ֆեյսբուքյան իր էջում:

«Հիշեցնում եմ, որ դպրոցներում ԽՍՏԻՎ արգելված է աշխատանքային տետրերի, քարտեզների, ատլասների և այլ ուսումնաօժանդակ նյութերի վաճառքը:

Գումար կարող է գանձվել միայն իմ հրամանով հաստատված դասագրքերի համար` ըստ գործող կարգի:

Գումարի չափը և գրքերի անվանացանկը պետք է փակցված լինեն դպրոցում:

Այն ծնողները, որոնք իրականում ցանկություն ունեն իրենց երեխաների համար ձեռքբերել լրացուցիչ ուսումնական նյութեր, պետք է օգտվեն համապատասխան գրախանութներից:

ՀՀ ԿԳՆ «Թեժ գիծը» շարունակում է ընդունել զանգեր դպրոցներում ապօրինի դրամահավաքի հետ կապված»,-գրել է Աշոտյանը:

Նախորդող հրապարակում` Դպրոցական արձակուրդն ավարտվեց