Թավրիզում կայացել է ԻԻՀ Արևելյան Ատրպատականի նահանգապետի և ՀՀ Սյունիքի մարզպետի հանդիպումը

Մենք ցանկանում ենք Սյունիքի մարզի հետ ընդլայնել մեր տնտեսական համագործակցությունը:
Այդ մասին Իրանի պաշտոնական «ԻՌՆԱ» լրատվական գործակալության հաղորդմամբ՝ Թավրիզում ՀՀ Սյունիքի մարզպետ Սուրեն Խաչատրյանի հետ հանդիպման ժամանակ նշել է ԻԻՀ Արևելյան Ատրպատականի (Արևելյան Ազարբայջան) նահանգապետ Ահմադ Ալիռեզա Բեյգին:

Արևելյան Ատրպատականի նահանգապետն իր խոսքում շեշտելով, որ Իրանի և Հայաստանի նախագահները հակված են ավելի ամրապնդել և ընդլայնել երկկողմ հարաբերությունները, մասնավորապես նշել է, որ երկու երկրների նահանգապետերը և մարզպետները ևս պետք է այդ ուղղությամբ ջանքեր գործադրեն:

Ահմադ Ալիռեզա Բեյգիի խոսքով՝ Արաքս գետի վրա հայ-իրանական համատեղ ՀԷԿ-ի կառուցումը ևս միտված է երկկողմ հարաբերությունները զարգացնելուն:

Սյունիքի մարզպետն էլ իր հերթին, անդրադառնալով Արևելյան Ատրպատականի և Սյունիքի մարզի միջև առկա համագործակցությանը, նշել է, որ իրենց մարզը ևս ցանկություն ունի Թավրիզի հետ խորացնել առևտրատնտեսական հարաբերությունները:

Սուրեն Խաչատրյանը հավելել է, որ Իրանը միշտ եղել է Հայաստանի լավ բարեկամը և ապագայում ևս այդ բարեկամությունը շարունակվելու է :

Նախորդող տեղեկատվություն՝
Թավրիզի առևտրական պալատը Հայաստանում ներկայացուցչություն կունենա

ԻԻՀ ԱԳ նախարարի մոտ քննարկվել է Իրանի և Հայաստանի միջև ընդհանուր տնտեսական գոտի ստեղծելու հարցը

Իրանի Արևելյան Ազարբայջանի նահանգապետ. Մենք շահագրգռված ենք Հայաստանում ներդրումներ կատարել