Բեքհեմը կարող է վերադառնալ «Միլան»

«Միլանն» իր տրանսֆերային քաղաքականության մեջ պատրաստ է բացառություն անել, որպեսզի թիմ հրավիրի «Լոս Անջելես Գելեքսիի» նախկին կիսապաշտպան Դևիդ Բեքհեմին: Այս մասին տեղեկացնում է «Football Italia»-ն:

Միլանյան թիմի ղեկավարությունն այս մրցաշրջանում շեշտը դնում է երիտասարդ ֆուտբոլիստներ ձեռք բերելու վրա, սակայն այժմ դիտում է 37-ամյա անգլիացի ֆուտբոլիստին իր շարքերը տեղափոխելու տարբերակները:
Հիշեցնենք, որ Բեքհեմը «Միլանում» հանդես է եկել 2010 թ. հունվարից մինչև հունիս ամիսները` վարձավճարով: