Ամենից շատ կարդացված նյութեր
.jpg "Իրանը Հայաստանին պետրոքիմիական անհրաժեշտ արտադրանքով կապահովի")
Իրանը Հայաստանին պետրոքիմիական անհրաժեշտ արտադրանքով կապահովի:
Այդ մասին Իրանի պաշտոնական «ԻՌՆԱ» լրատվական գործակալության հաղորդմամբ, հայտարարել է Իրանի Արևելյան Ատրպատական (Արևելյան Ազարբայջան) նահանգի առևտրաարդյունաբերական կազմակերպության փոխնախագահ Ղոլամ Ալի Ռասթին:
Իրանցի պաշտոնյան տեղեկացրել է, որ օրերս ՀՀ Սյունիքի մարզպետ Սուրեն Խաչատրյանի՝ Արևելյան Ատրպատական կատարած այցի շրջանականերում իրանական կողմի հետ պետրոքիմիական արտադրանքի, տրակտորների և կոմբայների գնման մասին փոխըմբռնման հուշագիր է ստորագրվել:
Սյունիքի մարզպետ Սուրեն Խաչատրյանի գլխավորած պատվիրակությունը Իրան կատարած այցի շրջանակներում, այցելել է «Արաս ազատ տնտեսական գոտի» կազմակերպություն և վերջինիս գործադիր տնօրեն Սադեղ Նաջաֆիի հետ քննարկել Իրանի և Հայաստանի միջև ընդհանուր տնտեսական գոտի հիմնելու հարցը:
Հիշեցնենք, որ հունվարի 15-ին Սյունիքի մարզպետը Թավրիզում հանդիպում էր ունեցել նաև ԻԻՀ Արևելյան Ատրպատականի (Արևելյան Ազարբայջան) նահանգապետ Ահմադ Ալիռեզա Բեյգիի հետ: Կողմերը շեշտել էին երկկողմ առևտրատնտեսական կապերն ամրապնդելու անհրաժեշտությունը:
Նախորդող տեղեկատվություն՝ Թավրիզում կայացել է ԻԻՀ Արևելյան Ատրպատականի նահանգապետի և ՀՀ Սյունիքի մարզպետի հանդիպումը
Իրանի Արևելյան Ազարբայջանի նահանգապետ. Մենք շահագրգռված ենք Հայաստանում ներդրումներ կատարել
Studio One