Տիգրան Լ. Պետրոսյանը` Հայաստանի չեմպիոն

Հայաստանի շախմատի տղամարդկանց 73-րդ առաջնությունում հաղթող ճանաչվեց և երկրի չեմպիոնի կոչումը նվաճեց Տիգրան Լ. Պետրոսյանը: Նա 9 տուրում վաստակեց 7 միավոր և կես միավորով շրջանցեց Ավետիք Գրիգորյանին ու Ռոբերտ Հովհաննիսյանին:

Կանանց 68-րդ առաջնության հաղթողը` Աննա Հայրապետյանը, նույնպես իր ակտիվում 7 միավոր ունի: Նրանից կես միավորով հետ մնացին Արմինե Բաբայանը և Նարինե Գասպարյանը` համապատասխանաբար զբաղեցնելով 2-3-րդ տեղերը: