Հայաստանյան բջջային օպերատորները պետք է արդիականացնեն իրենց ցանցերը

ՀՀ հանրային ծառայությունները կարգավորող հանձնաժողովի` այսօր հրավիրված նիստում քննարկվել և ընդունվել է «ԱրմենՏել», «Ղ-Տելեկոմ» և «Օրանժ Արմենիա» փակ բաժնետիրական ընկերությունների կողմից իրենց հանրային շարժական բջջային կապի ցանցերը զարգացնելու և արդիականացնելու մասին» որոշումը:
Այս մասին հայտնեցին հանձնաժողովի մամուլի ծառայությունից:

Որոշման համաձայն՝ շարժական բջջային կապի օպերատորները պարտավոր են մինչև 2014 թվականի հունվարի 23-ը զարգացնել և արդիականացնել իրենց հանրային շարժական բջջային կապի ցանցերը՝ ապահովելով ձայնային և շարժական լայնաշերտ ինտերնետ հասանելիության ծառայությունների մատուցումը հանրային շարժական բջջային կապի ծածկույթ չունեցող 18 բնակավայրերում: Միաժամանակ, ծածկույթով ապահովելու նպատակով նշված բնակավայրերը հավասարապես բաշխվել են 3 օպերատորների միջև՝ համաձայն ստորև ներկայացված ցանկի.

«ԱՐՄԵՆՏԵԼ» ՓԲԸ	«Ղ-ՏԵԼԵԿՈՄ» ՓԲԸ	«ՕՐԱՆԺ ԱՐՄԵՆԻԱ» ՓԲԸ
Անտառամեջ (Գեղարքունիքի մարզ)	Հալավար (Լոռու մարզ)	Կաճաճկուտ (Լոռու մարզ)
Կալավան (Գեղարքունիքի մարզ)	Հայդարլի (Լոռու մարզ)	Անտառամուտ (Լոռու մարզ)
Բարեպատ (Գեղարքունիքի մարզ)	Թանահատ (Սյունիքի մարզ)	Բնունիս (Սյունիքի մարզ)
Ներքին Շորժա (Գեղարքունիքի մարզ)	Գնիշիկ (Վայոց ձորի մարզ)	Գեղանուշ (Սյունիքի մարզ)
Վերին Շորժա (Գեղարքունիքի մարզ)	Հորս (Վայոց ձորի մարզ)	Գոմարան (Սյունիքի մարզ)
Մոզրով (Վայոց ձորի մարզ)	Գեղատափ (Տավուշի մարզ)	Դիցմայրի (Սյունիքի մարզ)

Որոշմանը կարելի է ծանոթանալ ՀՀ հանրային ծառայությունները կարգավորող հանձնաժողովի ինտերնետային կայքում` www.psrc.am: