Բուլղարիան մտադիր է զարգացնել միասեռականների զբոսաշրջությունը

Բուլղարիայում գովազդ է հայտնվել, որի նպատակն է երկրի հանդեպ միասեռականների հետաքրքրությունը շարժել: Դրա կարգախոսն է՝ «Մինչ օրս երբևէ Բուլղարիայում միասեռական լինելը այդքան զվարճալի չէր եղել»:

«Ուտրո.ռու»-ի հաղորդմամբ, «Gay Holidays in Bulgaria» կայքում տեղեկացվում է, որ նոր տուր-օպերատորը առաջարկում է հանգստյան օրերն անցկացնել Սոֆիայում՝ մասնակցելով էքստրեմալ, ձմեռային և մշակութային-գեյ ծրագրերում: Դրանք իրենց մեջ ներառում են էքսկուրսիոն ծրագրեր Սոֆիայի բոլոր հայտնի գեյ-ակումբներով, Փանչարևյան բաղնիքների այցելություն և այլն:

Տեղեկացվում է նաև, որ Բուլղարիայում շատ են վայրերը, որտեղ միասեռականները կարող են հանգիստ իրենց ժամանակն անցկացնել: