Բուֆոն. «Հոլանդացիների դեմ խաղալը շատ ծանր էր»

Իտալիայի ֆուտբոլի ազգային հավաքականի դարպասապահ Ջանլուիջի Բուֆոնը գոհ է Հոլանդիայի ընտրանու հետ ստուգողական խաղում գրանցված արդյունքից (1:1):

«Մեր երիտասարդ թիմից ավելի ուժեղ բնավորություն է պահանջվում,- Բուֆոնի խոսքերը մեջբերել է «Football Italia»-ն:- Բայց առջևում դեռ շատ ժամանակ ու խաղեր ունենք, որոնցում ֆուտբոլիստներն անհրաժեշտ փորձ ձեռք կբերեն «ԱԱ-2014»-ից առաջ:

Խաղի արդյունքը շատ բանով կախված է մրցակցից: Հոլանդացիների դեմ խաղալը շատ ծանր էր, թեպետ ժամանակ առ ժամանակ մեզ հաջողվում էր սուր հակագրոհներ կազմակերպել, որոնք, ի վերջո, արդյունք տվեցին»: