Միլիտոն մինչև տարեվերջ չի կարողանա վերադառնալ խաղադաշտ

Իտալական «Ինտերի» հարձակվող Դիեգո Միլիտոն լուրջ վնասվածք է ստացել ՉՖՌ-ի հետ Եվրոպայի լիգայի 1/16 եզրափակչի առաջին խաղում (2:0): Այս մասին տեղեկացնում է «Football Italia»-ն: Դրվագներից մեկում 7-րդ րոպեին արգենտինացին անհաջող դրեց ոտքը գնդակի համար պայքարում և ընկավ խոտածածկին` բռնելով ծունկը: Բժշկական հետազոտության արդյունքներով` Միլիտոն ծնկի խաչաձև կապանի լուրջ վնասվածք է ստացել: Մոտ օրերս նա կվիրահատվի, իսկ վերականգնումը կտևի մոտ 9 ամիս: