Նախարարները կհավաքվեն նախագահի մոտ

«Ժողովուրդ»-ի աղբյուրները հայտնում են, որ այսօր նախագահական նստավայրում Սերժ Սարգսյանը Հայաստանի գրեթե բոլոր նախարարներին իր մոտ է հրավիրել. «Սպասվում է բավական խիստ զրույց: Համենայնդեպս, շատ նախարարներ սրտի տագնապով էին պատրաստվում այդ հանդիպմանը: Թե ինչ է ասելու Հանրապետական կուսակցության առաջնորդը, դժվար է կռահել, բայց որ կքննարկվեն հետընտրական զարգացումները, անկարելի է բացառել»: «Ժողովուրդ»-ին հասած տեղեկությունների համաձայն` հանդիպմանը կմասնակցեն նաև ուժային կառույցների ղեկավարները: