Մեկ գիշերում 16 հազար մարդ է այցելել Բրյուսելի թանգարաններ

Բրյուսելում թանգարանային գիշերն ընդհանուր առմամբ ավելի քան 16 հազար այցելու է հավաքել: Այս թիվը կազմակերպիչները ռեկորդային են համարում: Տեղական ժամանակով ժամը 19-ից մինչև գիշերվա 1-ը բացվել են Բրյուսելի 23 թանգարանների ու պատկերասրահների դռները, այդ թվում երաժշտական գործիքների, տրամվայների, Եվրախորհրդարանի, Մասոնության, կինոյի, հնագույն մեքենաների թանգարանները: Այցելուների 70 տոկոսը մինչև 35 տարեկան են եղել: