ՀԱԿ-ում համագումար անցկացնելու համար մեծ դահլիճ են փնտրում

«Ժողովուրդը» գրել է, որ արդեն հայտնի է Հայ ազգային կոնգրես կուսակցության հիմնադիր համագումարի օրը. այն տեղի է ունենալու ապրիլի 13-ին:
Առայժմ, սակայն, որոշված չէ համագումարի անցկացման վայրը, ՀԱԿ-ն այնքան էլ հակված չէ համագումարն անցկացնել կառավարության նիստերի դահլիճում, քանի որ պատվիրակների թվի համեմատ այն փոքր է: Թերթին հայտնի է դարձել, որ հիմա ՀԱԿ-ը փնտրում է դահլիճ, որը ներկայանալի ու մեծ կլինի: