Արմեն Գևորգյանը մեկնել է ԱՄԷ, Քուվեյթ և Քաթար

ՀՀ փոխվարչապետ, Հայաստան-ԱՄԷ, հայ-քուվեյթյան, հայ-քաթարական միջկառավարական հանձնաժողովների համանախագահ Արմեն Գևորգյանն այսօր աշխատանքային այցով մեկնել է Արաբական Միացյալ Էմիրություններ, այնուհետև այցը կշարունակի Քուվեյթում և Քաթարում:

ՏԿՆ հասարակայնության հետ կապերի բաժնից մանրամասնում են, որ նախատեսվում են փոխվարչապետի հանդիպումները կառավարությունների ներկայացուցիչների հետ, որոնց ընթացքում կքննարկվեն երկկողմ համագործակցության զարգացման, առևտրատնտեսական հարաբերությունների խորացման, միջկառավարական հանձնաժողովների գործունեությանը վերաբերող հարցեր: Փոխվարչապետը հանդիպումներ կունենա նաև մասնավոր հատվածի ընկերությունների ներկայացուցիչների հետ: